| تبليغات | X |
هر سوز ایتر ، ائل سوزو ایتمز |
گؤزدن(خزان) دوشموشم
سونولان باهارلارین آرخا سیندان
وسورونورم ...هی ...هی
گؤزلریمده سویوق
دامارلاریمدا چیلغی(عصیان)
اؤد یاغدیریر دوداقلاریما سئوگی
ساری یارپاق لارین بوشلوقونا ساریلان یئل
اسیرساچلاریماهرگئجه
و گئجه نین قانی سورونور دامارلاریمدا
دوشونجه تاپتالانیر بینییم ایچره
ایل لرجه بورالاردایمیشام دئمک؟
ایل لرجه گؤزلردن جالانان یاشمیدیم؟
و ایل لرجه عیصیان قوپاران
وودکا قوخوسو.....
و ایچیم ایچیم سیزلایان سئودالیق لا ر.....البت!
......امید نوری.. تبریزبیلگی یئرینین اویرنجیسی
نوشته شده در دوشنبه 1387/05/28ساعت توسط آرزو نوری .ی
|
....اورهان ولی کانیک
بازار آخشاملاری
ایندی پال-پالتاریم یاخشی دئییل ،آمما
بورج لاریمی اؤده یه ندن سونرا
چوخ گومان کی
بیر دست یئنی پالتاریم اولاجاق
واحتیما ل سن
یئنه منی سئومه یه جک سن
بونونلا بئله ،بازارآخشاملاری
سیزین محله دن کئچرکن
یاخشی گئیینمیش اولاراق
ظن ائدرسن کی،من ده سنه
ایندیکی قدهر قیمت وئره جه یم؟
نوشته شده در شنبه 1387/05/19ساعت توسط آرزو نوری .ی
|
گؤزلرین تای کئشیک باشماق کیمی دیر
بیری سئویرم دئسه ده
او بیری دانیر
...آیدین روشن
..........................................................
آی گوله بیلسه یدی
سنه بنزردی
گول کوسه بیلسه یدی
سنه بنزردی
بولود اؤپه بیلسه یدی
سنه بنزردی
سن منه بنزردین
سئوه بیلسه یدین!
...آیدین روشن
نوشته شده در دوشنبه 1387/05/14ساعت توسط آرزو نوری .ی
|
منله
خیاواندا دیله نن بالاجا قیزین
بیر بنزریمیز وار
اونون سینیق کاساسی
منیم سینیق اوره ییم
....رسول نظری
سکوت دنیزینده
شیرین-شیرین
اوزوردو فیکریم
قوجا بیر قارغا
سسی ایله
لپه لندیردی اونو...
....رسول نظری
نوشته شده در چهارشنبه 1387/05/09ساعت توسط آرزو نوری .ی
|
بیر گؤزل شعر ......«نصرت کسمنلی» ده ن
آدیمی قلبیندن آتا بیلرسن
اوزاق آرزیلارا چاتا بیلرسن
مندن گؤزلینی تاپا بیلیرسن
منیم تک سئوه نین اولمایاجاقدیر
بیرگون سؤنه جکدیربواود،بواوجاق
کدریوواسی دیر بوش قالان قوجاق
دیزینه باش قویوب ،یاتان اولاجاق
باشینا دؤنه نین اولمایاجاقدیر
عؤمرونه بیرسئوگی گلر،بیلیرم
سن ایله آغلاییب-گولر بیلیرم
کیمسه سئوینجی نی بؤلر بیلیرم
دردیندن اؤله نین اولمایاجاقدیر
سئوگیلیم!عذابدان اوزاقسان هله
بیرگون ارییه رسن سن گیله –گیله
یاناغیندان اؤپه ن اولسادابئله
گؤزیاشین سیله نین اولمایاجاقدیر
نوشته شده در شنبه 1387/05/05ساعت توسط آرزو نوری .ی
|
........عمران صلاحی دن بیر شعر
پارچالاندیق سینمادیق
داش آتانلاربیلمه دیلر
پارچالانمیش آینادا
بیرآیدان مین آی چیخار
بیرگونشدن مین گونش
بیراولدوزدان مین اولدوز
پارچالاندیق آیناکیمی
چوخالاریق،چوخالداریق ایشیغی
گوندوز گونه عادتی وار،گجه اولدوزلارا ، آیا
بوداقلارباهارا
میوه لر یایا
گمی لردنیزه
بالیقلار چایا
پنجره لر آچیلماغا،بیرآز تازا هاوایا
آچیق یئلکن عادتی واریئللره
آراز دلی سئللره
آینا گؤزه للیگه
داراق تللره
غریب آدام عادتی وار وطنه ،داغلارا ،چنه
آیریلیق گونلری منه
من سنه!
نوشته شده در سه شنبه 1387/05/01ساعت توسط آرزو نوری .ی
|
 |
POWERED BY BLOGFA.COM |
|