........ «سولئمیمان روستم» ده ن بیرأن گؤزل شعر

اوقدر ناله ائتدم کی  قیزاردی  لاله تک     باغریم

باخیب اؤزدؤره مه گؤردوم قرنفیل،  یاسمن یاندی

قونوب  آسوده  داملاردا، اوتور هیبتله   بایقوشلار

الینده  حقی  بایراق  ائیله ین ، دوزیول گئدن یاندی

اورکده مین یاران واردی،یازیق میلت،یازیق میلت

سنه هر لحظه ده  اؤزجانینی  قوربان ائدن   یاندی

دولوبدور نملی  زیندانلار، یانیر اودلاردا  آزادلیق

نه چون دینمیرسن آی قارداش،سوروش بیرگؤرنه دن یاندی؟

دوروبدور باشیم  اوستونده ،  الینده  خنجری  جلاد

نه گول قالدی نه بولبول قالدی،باغ یاندی چمن یاندی

یادیمدان چیخدی بولبول تک،قفسده گوللرین رنگی

غمین ، دردین الیندن اود  توتوب  آخیر بدن  یاندی

سولئیمان غافیل اولما،یاخشی باخ اطرافه،شاعیرسن

جینایت آشدی حدیندن،هارای سال کی  وطن یاندی!

 

             .....ملیحه عزیزپور،«دمیرسئوگی» کتابیندان

بونو هامی بیلیر

سن ده بیلیرسن؟

نیفرتین سون حدی محبت دوغار

کیمسه ائشیتمه سین،بیلمه سین بونو

ایچیمده بیر زمی نفرت اکیبسن  

                    

                                         .... رامیز روشن

                       فضولی نین خاطیره سینه

شام(شمع)

یوز ایللردی بیرشام یانیر

کولک لر سؤندوره بیلمیر

یوزلرله ال لر اوزانیر

ایشیغی دره بیلمیر

قارانلیق سا سولو-ساغی

یانان شامین نه گوناهی

اریییر تؤکولوریاغی

اؤلور ،اولؤر ،اؤله بیلمیر

گیله-گیله ،داملا داملا

گون به گون اوزولن جانلا

آغلاییر هرآغلایانا

هرگولن له گوله بیلمیر

قیزیندیریر یالقیزلاری

قورخوزور یالقوزاق لاری

ایشیق لادیر اوزاق لاری

اؤز دیبینی گؤره بیلمیر

       

          ......ووقار نعمت  

بایراق

او گئجه دنیزده

آی پارادا واریدی

اولدوزدا

آذربایجان بایراغی کیمی

اسیردی دنیز