| تبليغات | X |
هر سوز ایتر ، ائل سوزو ایتمز |
.........هوشنگ جعفری
شکیل
بیر ائلی بوراندا قاردا چئکه جم
بیر ائله باهاردا واردا چئکه جم
بیر شکیل چئکه جم گؤز گیله سینه
آرزیلار دوزوله سیل سیله سینه
بیر باهار سالاجام قیش چیله سینه
بیر لا لا خونچاسین قاردا چئکه جم
بیر داغی چئکه جم دومان ایچینده
بیر یاخشی بیتیریم یامان ایچینده
بیر حقه دوغرولدام گومان ایچینده
شاختادا بیر آغاج باردا چئکه جم
بیر سئلی چئکه جم سارا قوینوندا
بیر دیلی آسیلی چارا قوینوندا
بیر ائلی یاردیمسیز یارا قوینوندا
بیر دیلی دیلچک سیز داردا چئکه جم
تیکیلی بیر آغیز چئکه جم بوما
بیر درین باخیش کی فیکیره جوما
یوللایام شکیلی تهرانا قوما
بیر ائلین یوخلوغون واردا چئکه جم
بیر ایشیق چئکه جم اوزاقدان آتیب
بیر دنیز چئکه جم دنیزه باتیب
بیر ائلی چئکه جم مین ایلدی یاتیب
وارلیغین بیلمیرم هاردا چئکه جم
نئیله ییم دیل سیز بیر باش چئکنمیرم
سینه مده اورک وار داش چئکنمیرم
ائلیمین گوزونده یاش چئکنمیرم
بو ائلین ماهنی سین تاردا چئکه جم
ائلیمی باهاردا واردا چئکه جم
نوشته شده در دوشنبه 1387/10/30ساعت توسط آرزو نوری .ی
|
 |
POWERED BY BLOGFA.COM |
|