............دالغاخاتین اوغلو

اودو،اودلا سؤندوره جه ییز

کیمه نه؟

لاپدا بئله باشیمیزی قالدیریب

گؤیه توپوره جه ییز،آغیز-آغیز

بیرده قانی قانلا یویاجاغیز!

حئیوان دئییلیک کی-

بللی کی سئومه یی ده باجارایریز بیر آز!

اودور...چت اوتاغینیذا منه حاضیرلانان قیز!

بیر بؤیله بیر عجاییب اینسانسیز!

شوشه-شوشه چاخیر

سئروم وورولور دامارلاریما هر گئجه...

اودور آیاغیم آخیر

اودور بئینیمدن

یاغ کیمی اریییب آغزیما داملار دوشونجه لر

اودور کاغاذ اوستونه قان قوسدوغوم شئعیر!

اوره ییم بومبا قویولوب کؤکسومه!

کیمسیه اوزوک قاشی دیر

-باجیمین دوم دورو گؤزلری!

کیمیسینه پیپاق ساپی دیر

قارداشیمین سوموکلری!

-کیمسینه ساپ بزه یی دیر

بالامین دیشلری!

-کیمیسینه شاللاق هؤرولدو،آنامین ساچلاری!

-کیمیسینه شراب پیالاسیدیر ،آتامین باش کاساسی!

کیمه نه هئی!...

وطنی بیر قپییه ساتان پان –یز!

بیز بؤیله بیر عجاییب اینسانیز